Tunay nga na tayo ang “Cainta Bravehearts”, dahil muling pinatunayan ng ating mga manlalaro na kaya natin makipagsabayan sa mga malalaking kampus ng URS. Lakas, talino, tibay ng loob, pakakaisa at pagmamahal sa ating Unibersidad ang naging sandata natin upang makipaglaban sa digmaan sa larangan ng isports.
       Buong pamilya ng URS Cainta ang sumuporta at paulit-ulit na hinihiyaw ang mga salitang “Go Cainta. . Go . Go Cainta” at siyang nagpaalab sa bawat laro. Sa pagpupursige ng ating mga manlalaro ay nakapagkamit sila ng 130.5 puntos ng pangkalahatan na malayo sa nakaraang taon. Ito ang patunay na sa bawat taon na lumilipas ay lalo tayong lumalakas. Hindi sila sumuko sa bawat laro na kahit alam nilang wala silang pag-asa ay ginawa pa rin nila ang kanilang makakaya para sa minamahal nating Unibersidad.
        Sa taon-taon na nagiging hadlang ang lugar na kanilang pinag-eensayohan ay hindi talaga mapipigilan ang ating mga manlalaro ang pagiging interesado nila na makipaglaban at makakuha ng dagdag karanasan na magagamit sa susunod na taon. “Experience is the best teacher and your accomplishments are the points you scored. It is not hard to make a decision when you know what your values are,” wika ni Roy Disney. Ito ang nagpapatunay na ang karanasan natin ay isa sa mga susi upang tayo’y magtagumpay.
       Matatapang na manlalaro ang nagpatunay na kahit maliit ang ating kampos ay kaya nating makipagsabayan at manalo sa mga malalaking kampos. Pinatutunayan nito na walang basehan sa laki, sa liit, sa haba ,sa ikli o kahit anuman yan sa pagkapanalo. Dahil ang tunay na pagkapanalo ay nasa determinasyon ng isang manlalaro.
       Puso ang isang batayan na tinataglay ng isang manlalaro upang manalo at makamit ang inaasam na gintong medalya.
      Matatapang na Puso na kaylan ma’y hindi magigiba.
     “Matatapang na Puso... Go URS Cainta!!!”