Urong-sulong! urong-sulong!

Ako'y napatakbo, ng dyip ay makita

Aking pagsampa ay hinihingal pa,

ngunit salamat at nakasay na

 

 

ako'y napa-upo sa gitna dahil puno na,

siya ring pina-upo ng babaeng naawa

Pinipilit kong magkasya kahit di na kaya

at bahagyang nakahinga, sawakas nakakauwi na!

​

Urong-sulong! urong-sulong!

"Piiiiip!" ako'y nalaglag sa kinauupuan

sa biglaang paghinto ng aking sinsakyan

sa muling pagharurot ako'y kinabahan,

na baka muling malaglag sa kawalan

​

Urong-sulong! urong-sulong!

mga mata'y nakatingin,

mga salitang idinidiin

aking pagkatao'y pilit inaangkin,

Inaabangan ang mangyayari sa akin

​

Urong-sulong! urong-sulong!

Gumuhit ang salu't sa aking puso

yaong mga sugat ay pinapaso,

mula sa bulangang mapang-abuso

Tuluyang bumagsak at sumuko!

​

Urong-sulong! urong-sulong!

sino ba kayo upang ako'y husgahan?

kilala nyo ba ako ng lubusan?

inyong kamay ay hugasan,

sapagkat ni isa sa inyo ay walang alam!